Listeners:
Top listeners:
play_arrow
Omulunga Radio
play_arrow
BH Broke his Silence BH Broke his Silence
Ooyene yomikunda oyo ashike yena uuthemba oku kutha omatokolo momikunda dhawo Selma
Ooyene yomikunda oyo ashike yena uuthemba oku kutha omatokolo momikunda dhawo Selma
Ombelela yeembwa domomeva ota idulu okukala eendja diwa kovaNamibia: Lessyn Kalwenya.
Omushiivi nawa moikwaeshi Kalwenya edi okwe dipopya pefimbo leenghundafana noilyo yo commitee inasha needjo dopaushitwe meumbo lomutumba wopashiwana oshoyo ovakufimbinga, moshongalele osho shali shaningilwa komudingonoko waWalvis Bay, okwati ombelela yombwa yomomeva, oili yoo yafimana mokuyandja oukolele omolwo maadi ayo Omega 3.
Kalwenya tayelifa kutya ombelela yombwa yomomeva ngeenge oya hovelwa okukala tailiwa moshiwana, itakala ashike ekwafelo loku taa tayapo omukaa kovaNamibia omayovi nomafele, ashike oili yoo taikwafele natango mokushunifa pedu omuvalu weembwa domomeva odo datalika dahapupalamo mefuta paife.
Otakulopotwa oshongalele sho kaCommisi shali tashi tale komaupyakadi aetififwa kehapupalo leembwa domomeva.
Olopota oyati omuvalu weembwa domomeva mefuta laNamibia ota dihangwa pomuvalu weemillion 1.5 paife, nodatalika yoo hadilipo eetona deeshi momeva tadi tengenekelwa pee million 2 keshe komudo.
Shelikwatelela ku Kalwenya, okwati eenghundafana odo vali mudo kuyele dinasha neembwa domomeva ova popyamo nghene sha fimana oku xwaxwameka oshiwana kombinga yefimano lokulya ombelela yeembwa domomeva, osho vatala kutya ota shidulu okukala omukalo dingi woku tonatela omuvalu wahapupala leembwa domomeva mefuta.
Okwati ovanhu moilyo longo ngaashi Japan, Sweden, Norway, Iceland, Faroe Islands, United States, Canada, naikwao ota kulopotwa vatalako ombelela yeembwa domomeva onga oikulya yovakulunhu.
Okwati omaadi eembwa domomeva ohaadulu yoo okulongifwa kovanafalama mouwa weengobe davo, oshoyo okuyandja ekwafo lo Omega 3 koomeme velihumbata.
Omuvalu weembwa domomeva difike po 86 000 okuniwe omafaneko dikale dalikolwa okufika mu November, ashike fiyo opapa kapena eteyo lasha laningwapo okudja omudo wadjako.
