Ominista yomauyelele Emma Teofelus okwa dhenge omuthindo oshinakugwanithwa sha simana shaanambelewa yomakwatathano oku kondolola oonkundathana dhoshigwana,unene pethimbo oshilongo sha taalela elunduluko lyopauteginology nomashongo gopaliko nkalathano

July 17, 2025 1

Teegulula omutumba go Effective Communicators Forum Conference ko Swakopmund nena,Theofelus okwa dhenge omuthindo esimano lyuukwashili nuuyelele wa dhindwa,ta londodha oshiponga shuuyelele waaheli mondjila ,unene sho Namibia teya moshiluku oshipe shopaliko tashi nanwa ko Green hydrogen oshowo komahooli ngoka opo giitsuwa.

Tati itaya pitike uuyelele waaheli mondjila wu piyaganeke aa Namibia oku mona uuwanawa koonzo dhoshilongo.

Omutumba ogweeta pamwe aanambelewa yomakwatathano okuza mepangelo nomoshikondo shopaumwene,aaleli yopangeshefa,naakalelipo yomahangano goshigwana, oku ikunda onkandangala yomakwatathano oku lundulula onakuyiwa yoshilongo.

Omanga ngoka ta kwathele onga omunambelewa kuluntu go Nampa Jata Kazondu a hokolola omutumba onga oshigongi sha simana shoo ambassodors yoonkondo dhiitya,uunkulungu womakwatathano ,oshowo omakwatathano omawanawa.

Ta holola esimano lyokuunganeka omutumba pethimbo lyomasiku gotango 100 mombelewa gomupresitend Netumbo Nandi Ndaitwah ,nokomeho yoku holola omalalakano omati 6th gomayambulepo gopashigwana-NDP6.

Guunganekwa ko Nampa,palongelokumwe nuuministeli womauyelele ,opamwe naanipambuliko yalwe yiikundaneki,omutumba gomasiku 3 oguli kohi yehuku:‘Harnessing the Power of Communication for Inclusive Development.

Aayenda otaa ikundu nkene omakwatathano taga tseyithile hwepo oshigwana,oku nwethamo elunduluko,noku siikila oomwaka pokati komilandu dhepangelo nekuthombinga lyoshigwana.

The post Ominista yomauyelele Emma Teofelus okwa dhenge omuthindo oshinakugwanithwa sha simana shaanambelewa yomakwatathano oku kondolola oonkundathana dhoshigwana,unene pethimbo oshilongo sha taalela elunduluko lyopauteginology nomashongo gopaliko nkalathano first appeared on Future Media News.

Oshiwambo – Future Media News