Omulumenhu adipaya no ku fudika ohonda kadona yaye kOshitopolwa sha Kavango East

Omulumenhu womido dili  30 okwa holoka komesho yomangu ya magistrate mo Rundu onghela ta tamanekelwa edipao lo honda kadona yaye oyo ya kala ya lopotwa ya kana momukunda Shimpanda, moshitopolwa sha Kavango East .

Omutamanekwa okwa tumbulwa nedina kutya oye, Kandonga Fernando, no kwa holoka komesho ya  Magistrate Sonia Sampofu, ta tamanekelwa edipao oshoyo ehepeko lo mo maumbo neenghendabala yoo do kuya ouyuuki moshipala.

Pefimbo aholoka komesho yomangu ina pewa omito yo ku lifutilamo no shibofa shaye osha undulilwa komesho ko 22 February 2027 opo shi yandje omito yomakonaakono.

Ehokololo ota lipopi kutya Fernando okwa dengele no ku ponda fiyo omefyo ohonda yaye oyo ya tumbulwa kutya oyo Anagret Naporo Mushinga, opo nee te ke i fudika, shalandula eshi vali tava tanguna okudja ko kandingosho efiku olo mo 17 October 2026  momukunda  Shimpanda .
Shelikwatelela ko polifi, Mushinga ota kulopotwa olutu laye la ka fudulwamo  okudja melambo metitano la djako  la hangwa momudingonoko lunga 800 metres, okudja peumbo lo Fernando, no sheya poluhaela eshi Fernando, aningilwa omapulaapulo kopolifi nopo nee ta holola ouyelele waapo afudika ohonda yaye.

The post Omulumenhu adipaya no ku fudika ohonda kadona yaye kOshitopolwa sha Kavango East appeared first on Future Media News.