Omunhu wotete akwatwa ko Mpox pondje ya Africa, alopotwa moSweden

Olopota yoshikondo shouhaku mo Sweden momukanda oo wapitifwa komapandja opamalungula nena, oyati omunhu aningwa oshihakanwa okwali moshitopolwa sha Africa, omo mwadidilikwa oudu wombuto oyo.
Olopota oyati nakuningwa oshihakanwa ina dula oku tandavelifa omukifi okuya kovanhu vamwepo moshilongo, omolwo eenghendabala domupondo dekelelo dakwata moiti odo datulwapo.

Omunambelewa omukulunhu elilepo oshikondo shetukuko lomikifi moshilongo osho, Magnus Gisslen okwati nakuningwa oshihakanwa otaulike ena omadidiliko oludi loudu woupokati oo washiivika nawa nedina clade IIb.
Oshikondo shouhaku mounyuni WHO, osha yandja elombwelo opo oudu wo Mpox utulwe koshivalo shomakwafo opaulumo mumbwe, osho sha talika tashipale ondjila koilyolongo yopaiwana inyamukule moku yandja omakwafelo ekelelo loudu wo Mpox.
Oshikondo shouhaku mo Sweden, oshati omunhu aningwa oshihakanwa keli oupyakadi netilifo koshiwana moshilongo.

Related Images: