Omupresident go FIFA Gianni Infantino okwa gandja ombili omolwa omapulo mokuungaunga nethaneko oku pitika aapunguli ya lande iipambu momathigathano omanene gehangano,mwa kwatelwa ekopi lyuuyuni

Ashike aanambelewa yopombanda yudhano wetanga lyokoompadhi oyati Infantino ina gandja omayamukulo taga hokitha pethimbo lyoshigongo sho FIFA Council mo Zurich.

Onzonkundana yo Reuters oya lopota kutya ethaneko lya tseyika onga o FIFA Forward Enterprises olya kuthwamo,sha landula etindo enene okuza komahangano ga yooloka taga pangele uudhano wetanga lyokoompadhi paitopolwa.

omupresident gwehangano lya German Football Association Bern Neundorf okwati omapulo ga simana onkee inaaga yamukulwa,omanga omunashipundi go English FA Debbie Hewitt iindiile Infantino a pitithe omikanda adhihe dhinasha nompangela.

Infantino okwali ethaneko okwali tali lalakanene oku ndjekapo oshimalwia shomahangano giilyo yo FIFA,na itayi galukawe nenge itayi shunwapo.

Lopokati mpoka o FIFA oyina omathaneko goshiketha yambulepo shoodola dha  America oobilion 6.3 uule woomvula ne dhili komeho,noodola oomilion 25 dha thanekelwa kehe ehangano lyomomahangano galyo 211.

Infantino ota kongo oku hogololulwa mu March taguya,sho pena esheko tali koko okuza kaanambelewa yamwe yuudhano wetanga lyokoompadhi mo Europe.

The post Omupresident go FIFA Gianni Infantino okwa gandja ombili omolwa omapulo mokuungaunga nethaneko oku pitika aapunguli ya lande iipambu momathigathano omanene gehangano,mwa kwatelwa ekopi lyuuyuni appeared first on Future Media News.

Oshiwambo Archives – Future Media News