Listeners:
Top listeners:
play_arrow
Omulunga Radio
Ooyene yomikunda oyo ashike yena uuthemba oku kutha omatokolo momikunda dhawo Selma
Ooyene yomikunda oyo ashike yena uuthemba oku kutha omatokolo momikunda dhawo Selma
Omuvalu weefiye udulife po 100 000 oshoyo oomeme ovanyasha vadja moitopolwa yaooloka yoshilongo shaNamibia, okwa lopotwa vamona ouwa okudja moprograma yo Dreams oyo ili koshi yoshikondo sho projeka tayuufanwa United States President’s Emergency Plan for AIDS Relief (PEPFAR).
Elongifo loprograma pefimbo yakala moilonga ota kulopotwa yapula oshimaliwa shifike pee million N.dollars 527 .
Oprograma yoDreams oyo yeuya pexulilo yatalika yakala mouwa woku nghonopeka, noku yandja omapukululo longo enasha nomauyelele omukifi woAIDS oshoyo oku yandja etonatelo neameno, ota kulopotwa yatotelwepo mo 2018, noyali yakwatelamo omauwa mahapu oo enasha neenghendabala doku shunifa pedu etandavelo lomukifi wo HIV mokati kounona voukadona ovo opo taveya mefimbo lokukopola, tava hangwa moilongo ili konima yeputuko.
Meenghundafana noikundaneki , oo eli omunambelewa woipambele yoshiwana mombelewa youkalelipo shilongo wa America mo Namibia , Tiffany Miller okwati, okudja nghene oprograma yatulilwe moilonga mo 2018, ounona voukadona noomeme veli mefimbo lounyasha vedulife po 100 000 ova mona ouwa okudja moprograma yo Dreams, omanga 117 420 vamona ouwa moprogram inasha neefiye oshoyo ounona vapumbwa omakwafelo (OVC) oyo yatulilwe moilonga mo 2013.
Okwa denga omufindo kutya oprograma oyayadja ouwa moitopolwa ngaashi Khomas, Oshana, Omusati, Ohangwena, Oshikoto, Kavango East, Kavango West and Zambezi.
Miller okwa yelifa yoo kutya okupitila mo programme, 95% daavo vamona ouwa OVC, ota duulike kutya odina eshiivo kombinga yaapo vafikama nomukifi wo HIV, 100% ovo vamonika ombuto ovahovela nepango loku lelepeka onghalamwenyo davo, omanga 96% ondodo yombuto momalutu avo tayuulike yashonapalekwa.
Okwati mo 17 August 2023, ehangano lo PEPFAR, ola dutapo vali oprograma ipe taika kakala moilonga moule womido
5 dili komesho tayuufanwa ‘’Reach Namibia’’’ , nota ika pumbwa elongifo loshimaliwa shifike pee million N.dollars 840 yatalika okweeta epondolo okutungila opo paxulila oprograma yo DREAMS noprograma ipe okwa teelelika ikakale yakwatelamo yoo ounona voumati oshoyo ovamati ovo veli mefimbo lokamukonda pweyu.
