Oshiponga shomulilo mo Johannesburg osha faalele oomwenyo dhaantu ya konda 70 ongula yonena

Omulilo ngoka  gwa tukuka metungo lyomala ga 5 ga londathana ogwa faalele oomwenyo dhaantu ya konda 70 mwa kwatelwa aanona, mondingandinga ya Johannesburg nena.

Aantu yalwe 52 oyeehamekwa,yamwe oya fudhilamo omwithi,notaya mono uuhaku miipangelo,shiikwatelela ku Robert Mulaudzi omupopiliko go Emergency Management Services.

Aanona ya 7 oyeli mokati kaamboka ya hulithile moshiponga.

Oshihakanwa oshishona okanona keli meni lyoomvula 2,niihakanwa yimwe oya pya itaayi dhimbululwa.