Oupyakadi wopamadilaadilo noku likufa eemwenyo oshinima tashi dulu oku kandulwapo.

Omukuluntu elilepo oshikondo shopamadilaadilo moshipangelo shepangelo sha Shakati Elago Nantana okwati onghalo yomaupyakdi opamadilaadilo noku likufa eemwenyo oshinima tashi dulu ashike okukandulwapo ngeenge ovo vaningwa oihakanwa tava pewa omaxungo mwenyo.

Elago edi okwe dipopya pefimbo lomutumba wovalumenhu oo wali waunganekelwa moshitopolwa shaShana metitano.

Okwati oshili tashi nyemateke okutala omuvalu wovalumenhu vena omaupyakadi, ashike ina vamanguluka oku lopotako omahepeko oo havaningilwa.

Nantana okwa wedapo yoo kutya omuvalu uhapu wovalumenhu oveli tava ningilwa omahepeko okomalutu nopamadilaadilo momaumbo nopeemito dihapu ihavapopisha molwaasho ovatila okuyolwa nokushekwa.

Tapula ovalumenhu vakale vamanguluka moku lopota omaupyakadi oo vataalela,  ngaashi naanana hashiningwa kovakainhu voo vadule oku kwafelwa.

Related Images: