Uncategorized

OvaKenya vahala oipongolo yelenga Koitalel arap Samoei yaalulwe ku Britina.

todayOctober 27, 2023 6

Background
share close

 

Ovakwateli komesho melelo loshiwana shova Nandi mo Kenya,  ovapula opo epangelo laUK likale la alula oshipongolo shelenga lavo kwali nale Koitalel arap Samoei, oo adipaelwe ketanga lomukolonyeki laBritina mo 1905.

Omapulo oshiwana okweya pefimbo sha lombwela kutya,  oo eli ohamba yaUK Charles III oteya okutalelapo moshilongo mo 31 October.

Elenga Samoei, oo yoo takutiwa okwali omuwiliki wopamepo oshoyo omukwateli komesho wetanga lopakwaita pefimbo linya, ota kulopotwa ali adana onghandangala yakula moku likanyuna omalombwelo omukolonyeki osho sha ka etififa edipao laye pefimbo ali takufa ombinga moshongalele.

Shelikwatelela koshifokundaneki shopashiwana moshilongo Kenya oshati, ovaleli vopamufyuululwakalo Moshiwana aasho mo Kenya , ota vapula yoo opo epangelo la Britain,  laalule oilongifomwa yomundilo womufyuululwakalo wavo, voo vakale yoo vafutilwa omahepeko mwakwatelwa omadipao oo ali aningilwa ovanhu kepangelo lomukolonyeki.

Eelopota odati oshipongolo shelenga,  Samoei osha itavelwa shatuvikilwa natango monele yonumba yeemungulilo doshilongo sha UK.

Ovanhu vomuhoko wova Nandi ovati,  ovahala eshi ohamba Charles taiya moshilongo,  ikale yapewa ekemo lavo opo oshipongolo shomukwateli komesho wavo shietwe moshilongo noku muningila efudiko lefimaneko.

 

 

Written by: Veronika

Rate it

Contact Us
Fresh-FM-phone-icon
Office: 083 000 1000
Fresh-FM-phone-icon
Studio: 083 000 1009
SMS: 1009 (N$2 / sms)
Telegram: 083 000 1009
WhatsApp: 083 000 1009
Fresh-FM-marker-icon
Location: 3rd Floor Old Power Station Armstrong Street, Windhoek
0%