Oshiponga shiiyenditho sha faalele oomwenyo dhaantu 4 momukunda Shikenga mo Kavango east
Aantu yeli ya 4 oya hulitha momukunda Shikenga mo Kavango east sho iiyenditho iyali,shimwe shoshikondo shoodholongo,no Toyota seven seater yiipumu mumwe omutse nomutse mosondaaha. Omukwatakanithi gwekondololo lyiimbuluma moshitopolwa omupevi komufala Bon Kanyetu okwati ohauto yoshikondo shoodholongo oya yaka omulilo sha landula eipumo mumwe. Tati ohauto yoshikondo shoodholongo okwali tayi hingililwa sho yiipumu mohauto onkwawo. Aanambelewa yaali yoshikondo shoodholongo omunamimvo 39 Angala Aliakim Natangwe,nomunamimvo 49 Ndjuva Samson oya pya itaaya dhimbululwa. […]
