Omahangano gaanilonga mo Nigeria ga patitha oombelewa nomayakulo taga pula egwedhelo lyoondjambi
Omahangano gaanilonga mo Nigeria nena oga ningi oonkundathana dhinasha naashoka tashi tulwa poshitaafula kepangelo,okundjekapo oondjambi dhaanilonga,mesiku etiyali lyekanka lyopashigwana,ndyoka lya piyaganeka omalweendo goodhila noku patitha oombelewa dhepangelo. Ehulithepo lyiilonga olyiindilwa komahangano gaali omanene,lyo Nigeria Labour Congress nolyo Trade Union Congress,pethimbo oshilongo sha taalela elondo lyoondando,noshimaliwa shoshilongo o Naira shaahena engungumano. Ohela omahangano gaanilonga oga pata osasiyona yopashigwana yolusheno,noku kateka omalweendo goodhila,noku patitha oombelewa odhindji dhepangelo,omatuliloskepa,iitasi yomahooli noompangu,taga pula epangelo li […]
