Takamithini oombwa dheni:Elelo lyondoolopa ya Oshakati

Elelo lyondoolopa ya Oshakati otaliindiile aakalimo yiiyuthe komulandu goombwa ngoka gwa tulwapo kelelo lyondolopa,ngoka taguti aakalimo naya kwashilipaleke kutya inaya kala noombwa dha konda 2,ongele yena o permit yowina.

Omupopiliko gwelelo lyondoolopa Katarina Kamari okwa gandja elondodho ndika,sha landula oshiningwanima sha holoka kOshakati,hoka oombwa 5 dha ponokele noku dhipaga omulumentu gomimvo 44 omanga tazi kiilonga.

Kamari tati omolwa egameno lyaakalimo,ombwa adhihe nadhi kale momahala nenge moohofa dhooyene,dho nadhi kale dha mangwa uuna dhili moshigwana.

Ta gwedhako kutya oombwa nadhi kale dha tuntilwa,dho nadhi kale nolisinisa ndjoka hayi kuthwa kombelewa yelelo lyondoolopa.

Kamari okwiindiile wo aakalimo ya lopte kehe iinamwenyo mbyoka yina omaihumbato omadhudhu enge ya nika oshiponga opo omalelo taga opalele ga kuthe onkatu.

Related Images: