Ouminsity woikwameni omatembu eameno nepopilo loshiwana owali wa unganeka oshiindingili shehovelo loilonga yokutunga ombelewa yayo yopashitopolwa komudingonoko wa Nkurenkuru, moshitopolwa sha Kavango West.
Oilonga yombelewa youminsity woikwameni komudingonoko oko oya fanekwa ika pule elongifo loshimaliwa shee million N.dollars 70 .
Omutivali president woshilongo, Netumbo Nandi-Ndaitwah oye ali aka yeulula pambelewa ehovelo loilonga.
Olopota oyati oilonga yokutunga okwa fanekwa ika hovele omanga omafiku 13 August 2024 inaafika, nokuniwe omafaneko ombelewa ikale yamanifwa moule womido dili 2 twa taalela.
Moshipopiwa shaye Nandi-Ndaitwah, okwati ombelewa yopashitopolwa okwa teelelika ikakale ya yandja omayakulo koshiwana omo mwakwatelwa okuyandja omikanda doukwashiwana kovakalimo, osho tati otashi ka kwafela oshiwana moku xupifa oimaliwa yomalweendo okuya keenele dokokule ngee tashi pumbwa omayakulo ombelewa yoikwameni.
Okwapopya nghene epangelo lili lelitulamo moku twala omayakulo popepi noshiwana eshi kwadidilikwa yoo ouhapu woshiwana taweende nokuya pombada.
Moshipopiwa shaye omutivali president tayandje natango omayele kouministy ukwashilipaleke kutya, ovakalimo ovakutwa moilonga yokutunga ombelewa yopashitopolwa.
![](https://omulunga.com.na/wp-content/uploads/2024/07/oilonga-770x578.jpg)