Ombelewa yo shikandjohoololo Ongenga, ya yandja oiyakulifo younamapya kovanyasha

Ombelewa  yo shikandjohoololo  Ongenga oya yandja oiyakulifo yo unamapya yo ngushu yee N$40,000 kongudu yo vanyasha momukunda  Okafitu, elalakano oku yambidida eetepo loshikunino sho unamapya  momudingonoko.

Ongudu yo vanyasha oya kwatelwa komesho ku Ms Edwig Kamati,  oo ta kutiwa okuna onghatu youlongelwe yo  Honours Degree in Crop Science and a Higher Diploma in Agriculture, eilikola okudja ko  University of Namibia.

Kamati okwati oiyakulifo ota ika kwafela ovanyasha va dule oku mona ounongo okweetapo oinyangadalwa yo pa unamapya , oku longela kumwe oshoyo ekufombinga mo inyangadalwa yo unamapya.

Councillor  wo shikandjohoololo Josef Nenghwanya,  pefimbo ta  ku yandjwa oiyakulifo okwa twa omukumo ovanyasha valonge no udiinini,  noku dulika oshoyo oku kwashilipaleka kutya oiyakulifo oyo oya longifwa naana mouwa oo ya nuninwa oku yandja eyakulo ko shiwana.

Nenghwanya ta denge omufindo nghene oshikondo sho unamapya oshoyo eenghendabala do ku nghonopaleka ovanyasha, dili imwe yo moilalakanenwa yo tete yo ndjodi oni 6 inasha  no mafaneko  exumokomesho lo pashiwana  (NDP6).

Project  yo unamapya okwa fanekwa ika kale ya yandja eyambidido leemito do ilonga ko vanyasha, oku va yambulapo pangeshefa oshoyo okweetapo eendja momudingonoko.

The post Ombelewa yo shikandjohoololo Ongenga, ya yandja oiyakulifo younamapya kovanyasha appeared first on Future Media News.